Јас сум Нора Жута Села, работам како одделенси наставник во ООУ „Зини Хани“ - Велешта, Струга. Како наставник работам веќе 21 година и низ годините постојано се обидувам да создадам позитивна средина за учење. Често сакам да ги предизвикувам моите ученици да го искажат своето мислење, но воедно и да го поттикнам нивното критичко размислување. Во мојата училница правилата ги дефинираме сите заедно, така креираме можност за меѓусебно почитување и одговорност.

Сметам дека моите најдобри практики како наставник се поттикнати од љубовта кон мојата професија и моите ученици. Сакам да креирам позитивна атмосфера во која секој се чувствува прифатено, атмосфера во која и јас станувам ученик. Од големо значење ми се моментите кога го гледам светот од нивна песпектива и станувам ученик исто како нив.

Со почетокот на пандемијата, драстично се промени и концептот на работа за нас наставниците. Во тие моменти размислував за тоа: како можам да им го олеснам процесот на стекнување на знаење на моите ученици? Во тој период се запознав со ЕДУИНО и првиот отворен повик за видеолекции, па така ги снимив првите 11 видео часови. Бев особено среќна што преку моите видеолекции допрев до ученици од целата држава. Понатаму бев дел и од отворениот повик за едукативни игровни активности во склоп на платформата ЕДУИНО Ран детски развој и преку истиот поднесов 10 игровни активности.

Иднината во образованието ја гледам со огромен потенцијал за подобрување на образованието и образовниот систем во нашата држава.

ЕДУИНО претставува збирка на добри практики, платформа преку која ние наставниците можеме меѓусебно да ги размениме своите искуства.

Развој.