Mësimdhënëse klasore me përvojë njëzetenëntë vjeçare në shkollën rajonale të SHF “Krume Kepeski” – Pripor, Kisella Vodë. Edukatore dinamike, me qëllime të përcaktuara saktësisht dhe synim që ato të përmbushen plotësisht. E nxis vazhdimisht ndërtimin e karakterit të socializuar, kulturor dhe empatik të fëmijëve. Gëzimi dhe lumturia në sytë e fëmijëve, pas çdo suksesi të arritur janë motivi im i vazhdueshëm për futje të risive në praktikën time.

Ndërtimi i personaliteteve të cilat do të respektohen dhe bashkëpunojnë në mënyrë të ndërsjellë është fotografia për gjeneratat e nxënësve që ishin pjesë e praktikës sime. Nxitja për punë në grupe, plotësimi i ndërsjellë i njohurive të nxënësve për arritjen e rezultateve më të mira dhe ndarjen e tyre është edhe një praktikë e mirë. Shfrytëzimi i teknologjive informatike, aplikacioneve të reja, videoleksioneve dhe aktiviteteve të lojës e bëjnë më të pasur dhe më interesante praktikën mësimore.

Fillimi i pandemisë ishte sfidë, veçanërisht incizimi i videoleksioneve të para për portalin EDUINO. Ato hapa më motivuan të krijoj diçka të dobishme për nxënësit e mi dhe kolegët e mi. Videoleksionet si dhe aktivitetet e lojës janë pjesë e platformës nacionale. Ato janë me vlerë të përhershme dhe paraqesin mbështetje në praktikë. Është motiv të jesh në dobi të shoqërisë.

Në të ardhmen do të vazhdoj të angazhohem aktivisht për mësimdhënie cilësore. Programet cilësore të përshtaten sipas kushteve dhe mundësive reale. Mësimdhënësit të zhvillohen dhe trajnohen vazhdimisht.

EDUINO për mua do të thotë mbështetje dhe ndihmë digjitale si për procesin mësimor, ashtu edhe për plotësimin e njohurive të nxënësve në kushte shtëpiake.

Mundësia, ideja, bashkëpunimi.