Jam mësimdhënëse e cila synon t’i realizojë qëllimet e caktuara profesionale dhe arsimore. Gjithmonë jam gati për t’u përballur me sfidat dhe risitë në arsim. Përpiqem t’i arsimoj dhe edukoj nxënësit përmes lojës. Me to jam jo vetëm mësimdhënëse, por edhe shok të cilit mund t’ia tregojnë sekretet, frikët e tyre etj. Shpesh zhvilloj bisedime të hapura me to përmes të cilave mund t’i shprehin qartë mendimet e tyre.

Edukatori i mirë gjithmonë gjen mënyrë të lehtë për t’ua përcjellë detyrat arsimore nxënësve në mënyrë të kuptueshme. Duke i ndjekur risitë, duke i shfrytëzuar mjetet e shumta digjitale, e nxis dhe e rris interesimin e nxënësve ndaj lëndës përkatëse, përkatësisht njësisë mësimore. E nxis kureshtjen e tyre dhe i orientoj që të arrijnë vet në përfundime përkatëse.

Në periudhën përderisa mësimdhënia zhvillohej online, duhej doemos të gjeja zgjidhje në mënyra më të ndryshme që ta mbaj vëmendjen e tyre një periudhë më të gjatë para kamerës. Orët e incizuara nga kolegët e mi ishin një prej mënyrave për të pasur sukses në mbajtjen dhe orientimin e vëmendjes së nxënësve. Këto orë ishin sfidë për mua dhe më nxitën të jap kontribut në portalin EDUINO. Edukatorëve tjerë do t’u rekomandoja t’i ndajnë orët e tyre të jashtëzakonshme dhe interesante për ta lehtësuar procesin arsimor në çdo situatë, siç ishte rasti gjatë periudhës së pandemisë.

Çdo fëmijë lind si tabula rasa – tabelë e pastër. Ne mësimdhënësit me ndihmën e arsimit e plotësojmë atë tabelë të pastër me njohuri, shkathtësi, përvoja të reja. Ardhmëria e arsimit është para një testi të madh të cilin duhet ta japim jo vetëm neve mësimdhënësit, por edhe nxënësit dhe prindërit, si pjesë e këtij treshi të rëndësishëm. Të sigurojmë kushte më të mira për të mësuar, përmes mjediseve të ndryshme stimuluese në të cilat do të marrë pjesë “treshi” i lartpërmendur.

Për mua EDUINO është një bibliotekë e pasur me praktika, përvoja të cilat mund t’i shfrytëzojmë në situatë përkatëse. Lidhje ndërmjet mësimdhënësve nga shkollat e ndryshme në vend, mënyrë e arritshme lehtë për komunikim dhe këmbim të përvojave. Portal nga i cili do të mësojnë nxënësit në mënyrë të arritshme lehtë.

Portë e hapur gjerësisht.