Unë jam Mira Gjorgjievska, pedagoge në KPF "8 Mars" – Shkup. Fusha ime e edukimit është mjaft e gjerë. Një pjesë i referohet motivimit tim të vazhdueshëm për edukimin e fëmijëve të vegjël, gjetjen e strategjive të reja, metodave, përmbajtjeve të reja për përgatitjen e tyre për jetën e ardhshme, dhe pjesa tjetër e fushës sime edukative është dëshira e vazhdueshme për të motivuar, stimuluar, mësuar dhe përcjellë përvoja dhe inovacione te kolegët e mi edukatorë. Atje ku ka risi, hulumtim, mbështetje dhe edukim, përpiqem të jem edhe unë.

Bashkimin e teorisë dhe praktikës në punën me fëmijët e vegjël e vlerësoj si praktikën time më të mirë. Kjo është diçka që e kam praktikuar edhe si edukatore, por edhe si pedagoge. Kërkimi i mënyrave më të mira për të stimuluar dhe ndjekur zhvillimin e fëmijëve është ajo që më inkurajon çdo ditë.

Kontributi në ndërtimin e 5 viteve të para të zhvillimit të çdo fëmije është motivimi im kryesor. Kur një mësimdhënës ka hartuar, realizuar dhe testuar një rrugë, një strategji, ka rëndësi të madhe kur ai e ndan atë me mësimdhënësit e tjerë. Pikërisht për këtë u rekomandoj të gjithë kolegëve të mi që gjithçka që dinë të mos mbetet brenda dhomës së tyre të aktiviteteve, por të shpërndahet për të mësuar nga njëri-tjetri.

Ardhmërinë e arsimit e shikoj si sistem i hapur në të cilin do të mund ta japë maksimumin. Si deri tani, arsimi në pjesën e madhe varet nga ne. Nëse i përkushtohemi më tepër vetes, si në planin personal ashtu edhe profesional, mund të jemi model i mirë për të gjithë fëmijët që janë pjesë e dhomave tona të aktiviteteve.

EDUINO është bibliotekë e hapur vazhdimisht për ato që duan të lexojnë, planifikojnë dhe realizojnë. EDUINO është një prej sistemeve të rëndësishme që kujdeset për zhvillimin e çdo fëmije. EDUINO është bazë e rëndësishme për arsimin e ri.

Thesari i njohurive të çmueshme arsimore.