Валентина Гаврилоска – дипломиран педагог, вработена во ЈУДГ на О.Ц. „Раде Јовчевски – Корчагин“ како воспитувач ментор. Во мојата секојдневна работа со децата, секогаш се трудам нив да ги поставувам пред проблемски ситуации, трудејќи се да го добијам одговорот и решението на проблемот од самите деца, со цел да ги поттикнам на самостојно размислување. Секојдневно ја користам играта како метод на сознавање и развивање разни вештини. Сакам да ја развивам креативноста кај децата преку моја сопствена демонстрација, одбирајќи разни креативни решенија.

Како воспитувач со 33-годишно работно искуство, покрај секојдневните игри и активности со децата, имам реализирано многу дополнителни активности, како подготовка на сценографии за приредби, од кои ќе ја издвојам Големата сцена во МОБ, потоа сликањето ѕидови и платна во градинката, приредби со децата и др. Најдолго во сеќавање ќе ми остане подготовката на театарската претстава со деца од 4 до 5 години, со која особено се гордеам.

Мотивацијата беше да им го разубавам денот на децата во време на пандемија, да ги едуцирам родителите и да го сплотам семејството во денешното динамично време. На другите воспитувачи им препорачувам да се вклучат во изработката на игри и активности за да се збогати библиотеката на игри.

Се надевам дека предучилишното воспитание и образование ќе биде подигнато на едно повисоко ниво, бидејќи градинките не се само места за чување на децата.

Можност да се прикаже вистинската функција и работа на градинките. Место каде што може да се научи уште нешто повеќе. Место каде што може да се даде придонес за предучилишното воспитание и образование. Место за размена на искуства.

/