Даниела Милошеска, дипломиран воспитувач, вработен во ЈОУДГ ,,8 Март“ објект Сонце, Струга. Автор на книга-прирачник „Воспитувач“ книга со 5 приказни, ,,Мравко“ и книга-приказна ,,РОЗИТА“ - Мултиетнички проект на три јазика: македонски, албански и турски. Едукатор-воспитувач кој се труди целото свое воспитување и образование кај најмалите, да биде пренесено успешно, со помош на нови креативни игри и активности, кои поттикнуваат размислување, социјализација, позитивна емоционалност, фер игра и успешност во целокупниот развој на детето.

Секојдневно создавање на нова и интересна средина за различните игри и активности, кои ќе ја привлечат и придобијат детската соработка, желба за работа и меѓусебна соработка.

Суштината на поимот воспитување за мене значи работна обврска и желба за пренесување на знаењето, создавање и градење на личности достоинствени за околината, опшеството и животот, а ЕДУИНО порталот е можност да ја прикажеме на нашата трудољубивост и вештини.

Нашите деца се нашата иднина, да се потрудиме со многу љубов, труд и работа да им всадиме навики на достоинство, гордост, работа и културно однесување, преку наједноставниот начин за нив - игра, дружење, будење на детските вештини и фантазии.

ЕДУИНО преставува охрабрување за тимска работа, иновација, соработка, толеранција, целото добро собрано на едно место за постигнување на позитивни резултати кај децата од различна возраст.

Успешна платформа и совршена професионалност и мотивација за работа, која во целост ги претстави воспитувачите и нивната одговорна работа, труд и посветеност.