Јас сум Ќемајледин Емини, наставник по математика и информатика, и работам во ООУ „Лирија“ – Скопје. Живеам во Скопје, на ул. Крсте Асенов бр. 22/2/4 во Чаир, Скопје. Имам работен стаж од 35 години и себеси би се опишал како добар наставник, вреден и точен, кој посветено работи во својата професија.

Уште од почеток на својата кариера, имав добра можност да се вклучам експериментално како наставник по предметот информатика. Тоа беше во 1988 година. Требаше многу напорно да се работи, првпат се воведе предметот во образовниот систем и, како што знаете, во предметот информатика секогаш излегува нешто ново, па секогаш требаше да се учи за да се биде подготвен. Тој систем на работа нè направи повредни и поподготвени во секоја пригода.

И во овие услови на пандемија бевме подготвени да работиме, така што, преку проектот ЕДУИНО, ни се даде можност да комуницираме со нашите ученици со видеозаписи. Пред тоа работевме на многу платформи, како Скајп, Зум, Вибер, Фејсбук, Мајкрософт тимс, меѓутоа преку видеозаписи беше некако поинаку, подобро можевме да се искажеме, употребувавме придружни програми и слично.

Сега имаме многу можности за унапредување на образованието, меѓутоа и барањата денес се поголеми, што значи дека работата останува како приоритет за добри резултати.

Добра можност за учење на нашите учениците, меѓутоа и добра пригода за младите колеги да учат преку реализацијата на наставните единици.

Перфектна можност за учење во секое време.