Драги воспитувачи, одделенски наставници и родители. Повторно ве покануваме заедно да учиме и играме со нашите ЕДУИНО активности за деца од 3 до 10 години!

Креативниот предизвик ќе биде отворен од 21 до 27. февруари 2022 година и е одлична можност за целата држава заедно да игра, се забавува и учи.

Дознај повеќе

Овде можете да најдете 4000 видеолекции, кои се снимени од наставници низ државата и кои се прегледани над 3,6 милиони пати!

Дополнително, ќе најдете и отворени ресурси, вебинари и видеоупатства што се дизајнирани за подобрување на процесот на учење на далечина.

Сајбер Лило е наменета за тинејџери на возраст од 12 до 18 години и e можност за практично да научите како да ги идентификувате главните ризици на кои сте изложени кога комуницирате онлајн. Целта е преку игра и забава учениците да можат лесно и со поголем интерес да ја совладаат темата за сајбер безбедност и заштита.

Играта е развиена од ИДЕКС Системи ДОО Скопје, во склоп на проектот „Сајбер безбедност и заштита за стари лица и тинејџери„ финансиран од Амбасадата на САД во Република Северна Македонијa.
Преземете од Play Store

„Водич низ квалификациите во стручното образование“ првично е наменет за стручните служби во основните училишта ширум државата, но и за целокупниот наставен кадар, родителите, учениците и пошироката стручна и читателска јавност.
Водичот е изработен од страна на работниот тим на Центарот за стручно образование и обука, со поддршка од проектот „Образование за вработување во Северна Македонија“.

Преземи

ЕДУИНО поттикна и вклучи над 1200 воспитувачи, наставници, родители и образовни експерти во изработка на дигитални наставни содржини, едукативни игри, вебинари и упатства. Нивниот придонес беше волонтерски, без паричен надомест и со неверојатна великодушност.

Им благодариме на сите што изминативе неколку месеци даваат своја неизмерна поддршка, преку која колективно се креираат, се проверуваат и се објавуваат нови ресурси и материјали, градејќи го колективниот портал ЕДУИНО.

Дознајте повеќе за ЕДУИНО-заедницата

Заедницата на ЕДУИНО е основниот двигател на колективниот портал.

Во оваа заедница особено место заземаат нашите ЕДУИНО-амбасадори – наставниците што несебично дадоа огромен придонес за целокупниот развој на содржините од платформата, споделувајќи ги своите видеолекции, мотивацијата и пасијата за работа, сè со една цел – подобро образование за сите.

Слушнете ги нивните приказни и запознајте ги нашите амбасадори на знаењето.

Ве покануваме да ги погледнете достапните ресурси, кои ќе ви помогнат да внесете нови дигитални алатки и да го збогатите вашиот следен час!

На ЕДУИНО-настава ќе најдете над 50 видеоупатства и 15 вебинари, кои се дизајнирани да ги подигнат вештините на наставниот кадар, со цел подобро и поквалитетно спроведување на наставата на далечина.