Назад до активноститеКружен календар
Преку оваа активност учесниците се запознаваат со користење на мерните единици за време, идентификување и подредување на броеви, денови во седмицата и месеци во годината. Активноста е идеална за стекнување на навики за меѓусебна соработка, како и подобрување на сопствената мотивација и истрајност.
Доколку сте автор на оваа активност, ве молиме контактирајте не.
Прилогхартија; тенок картон; ножички; лепак; три торбички во три бои;
Групна
Цели
Запознавање со мерни единици за време; Идентификување и подредување на броеви, денови во седмицата и месеци во годината; Користи соодветни мерни единици за мерење на време(ден, месец, година); Стекнување на навики за меѓусебна соработка
Резултати
Именува мерни единици за време, броеви и редните броеви; Именува денови од неделата и месеците од годината; Покажува интерес за меѓусебна соработка.
Игровна активност
Наставникот претходно изготвените шаблони ги сече и ги дели во три торбички „Весели торбички“ (торбичка со броеви, торбичка со денови и торбичка со месеци од годината).
Преку разговор и упатство на децата им се објаснува начинот и постапката на играта.
„Кружен календар: Времето се врти“ е игровна активност која има за цел да се научи редоследот на деновите во седмицата и месеците во годината, подредување на броевите во низа. Учениците се поделени во три групи во зависност од бројот на учениците во паралеката. Секоја група добива по едно „Весело торбиче“ и шаблон од еден круг. Во секое од торбичињата се наоѓаат исечени кругчиња на кои во едно се испишани броевите, во друго деновите и во третото месеците.Учениците извлекуваат од торбичињата и ги подредуваат според правилниот редослед. Истите ги лепат на шаблоните од круговите кои се различни по големина. Прв и најголем е кругот со броевите, втор по големина е кругот со месеците и најмал кругот со деновите во седмицата. Кога сите групи ќе завршат со активностите ги соединуваат трите круга во една целина. Потоа на календарот се става и лентата покажувач на која што има три празни полиња.
Поврзани активности
Забавна активност со која ќе се зацврстат познавањата од основи на музичка писменост. Учениците прават парови од чорапчиња со траење на нотата и нејзиниот изглед, но и други знаења од музичко обр.
Застарени зборови во ретка употреба се викаат архаизми. За да се запознаеме со нивното значење, ви нудиме игра на поврзување. Точните одговори ќе ги најдете со складност на обоени парови буква-бројка.
Луѓето сè почесто размислуваат за благосостојбата на нашата планетата Земја. Преку оваа игра можеме на забавен и креативен начин да го искористиме отпадниот материјал.