Назад до активноститеКако оживеаја играчките
Децата со помош на пантомима опишуваат магични сцени за играчките и воедно ја развиваат креативноста, имагинацијата и фантазијата.
Снежана Гуцуљ
Магично стапче.
Заедничка
Цели
- Да се развива свесноста за своето тело како дел од емоционалната свесност.
- Да се поттикнува способноста за невербална комуникација со помош на пантомима.
Резултати
- Детето со движења на телото ја претставува омилената играчка.
- Детето може да опише што го прави среќно, а што тажно.
Игровна активност
Во уметничкиот центар со децата направете магично стапче.
Разговарајте со децата за омилените играчки, каде ги купуваат, од каков материјал се направени, како се движат. Објаснете им дека денес играчките ќе оживеат и дека тие со своето тело, со изразот на лицето и со движењата, ќе ја опишат својата играчка. Изберете дете што ќе биде „Добрата самовила“.
Секое дете одбира која играчка ќе ја глуми. Се редат во ред како во продавница за играчки, неподвижни бидејќи во моментот не се „живи“. Добрата самовила ги допира со магичното стапче и секоја играчка оживува. Се движи на начин како би се движела играчката што ја одбрале и во различни правци.
Поврзани активности
Со оваа игра, користејќи картички со емоции, децата се запознаваат со позитивни и негативни емоции, како да ги препознаваат кај себе и кај другите, но и да изразат ситуации во кои се чувствувале така.
Децата имаат можност да комуницираат , се концентрираат, внимаваат и ликовно да се изразуваат преку игра. Се работи во парови, завртени со грб еден кон друг, едното дете дава насоки, а другото црта.
Преку оваа активност децата на забавен начин ќе ја истражуваат силата на воздухот.