Назад до активноститеВселенско домино
Играта поттикнува интерес за изучување на вселената, Сончевиот систем. Конкретно, изведувајќи ја играта, учениците ги зајакнуваат своите знаења за планетите и нивната положба во однос на Сонцето.
Маја Митева-Петроска, Тодорка Нане, Теодора Ѓорѓиеска
Прилог
● Хамер во црна или темносина боја на кој се обележани патеките на Сончевиот систем; ● Апликации со планетите и Сонцето; ● Домино плочки од картон во форма на правоаголник. На едната половина се напишани имињата на планетите, а на другата половина се нацртани планетите.
Заедничка, Индивидуална
Цели
- Ги знаат имињата на планетите од Сончевиот систем
- Знаат неколку карактеристики на планетите
- Го знаат нивниот редослед според оддалеченоста од Сонцето.
Резултати
- Учениците ги именуваат планетите од Сончевиот систем
- Правилно ги подредуваат планетите според нивната оддалеченост од Сонцето
- Искажуваат неколку карактеристики на планетите.
Игровна активност
Наставникот подготвува апликации на кои се Сонцето и планетите и хамер во темносина боја со обележани патеки на Сончевиот систем. За потребите на играта, наставникот има подготвено домино плочки. На едната половина се напишани имињата на планетите, а на другата половина се нацртани планетите.
Учениците треба да ги подредат на хамер апликациите на планетите по обележаните патеки според нивната оддалеченост од Сонцето. Потоа играат домино. Домино плочките треба да се редат по истиот редослед, односно прво се реди Сонцето, планетата што е најблиску до Сонцето (Меркур), па Венера...
Со учениците се разговара за вселената, Сонч. систем, Сонцето, планетите. Играат игра „Погоди ја планетата“.На хамер поставуваат апликации на планетите по обележаните патеки според оддалеченост од Сонцето. Ја играат играта домино, редат плочки со планети според оддалеченоста од Сонцето (прилог).
Поврзани активности
Ова игра ќе ја направи математиката многу забавна. Преку неа учениците ја проверуваат точноста на веќе дадени решени задачи и нивно подредување во колони за вистина или лага.
Развивајте ја љубовта кон читањето интересни книги и збогатете го речникот.
Со дополнување на бројот запишан на обоено венечно ливче, со цел да се оформи цвет, учениците го вежбаат собирањето со дополнување, т.н. „уште колку?“.