Назад до активноститеДетектив на зборови
Играта стимулира критичко размислување и љубопитност кај децата, а истовремено го збогатува нивниот вокабулар и поттикнува самостојно користење речник.
Биљана Стојановска, проф. по одделенска настава ООУ „Св. Кирил и Методиј“, Билјана Лазареска, проф. по одделенска настава ООУ „Вера Јоциќ“ и Јасминка Трајковиќ, проф. по македонски јазик и книжевност ООУ „Вера Јоциќ“
Прилог
● Коверт „Детективи на зборови“ ● Работен лист „Детективски реченици“ ● Речник ● Молив
Заедничка
Цели
- Да се стимулира критичко размислување и љубопитност кај децата.
- Да го збогатат својот вокабулар.
- Да се поттикнат самостојно да користат речник.
Резултати
- Поттикнато критичко размислување и љубопитност кај децата.
- Децата го збогатуваат својот вокабулар.
- Умеат самостојно да користат речник.
Игровна активност
Наставникот обезбедува коверт за зборови и работен лист „Детективски реченици“.
Наставникот покажува инструкции како се реализира играта, ги посочува правилата и дава пример. Учениците имаат задача во текот на една седмица да пронајдат по два нови зборови.
Тие треба самостојно да го пронајдат значењето во речник, го пишуваат на ливче и го ставаат во ковертот. На крајот на седмицата секој си ги објаснува своите зборови пред другите и запишува реченица со нив на работниот лист.
Приспособување на активноста за спроведувење (учење преку игра) со ученици со посебни образовни потреби
Учениците со ПОП ја спроведуваат истата активност, но со поедноставни, а за нив повторно нови зборови.
Поврзани активности
Во Њутновата физика слободниот пад е секое движење на телото каде што гравитацијата е единствената сила што дејствува врз него.
Играта поттикнува интерес за изучување на вселената, Сончевиот систем. Конкретно, изведувајќи ја играта, учениците ги зајакнуваат своите знаења за планетите и нивната положба во однос на Сонцето.
Преку игра учениците ги препознаваат буквите и им определуваат иницијална, медијална и финална позиција во зборот.