Мојата сложувалка

Подготовка на материјалите за активноста.

На детето му се објаснува дека може самостојно да направи сложувалка и според возраста се одредува на колку парчиња би била таа. Најпрво се зема лист хартија и според неговата големина идентично се сече подлога од картон за сложувалката. На листот се цртаат вертикални и хоризонтални испрекинати линии (листот се дели на еднакви делови 9/12/16 итн.) Детето на листот хартија црта, а потоа цртежот се лепи на картонската подлога. Потоа сложувалката се сече по испрекинатите линии.

Со детето се разговара за неговиот омилен лик, неговите доживувања и слично и се насочува тоа да го нацрта на листот хартија со испрекинати линии. Во зависност од интересите може на задната страна да се напишат и броеви, така што детето ќе добие 2 сложувалки. Потоа листот се лепи и се сече според инструкциите. Доколку детето не може само да ја исече сложувалката може да побара помош од родителот. Откако ќе се исечат деловите од сложувалката детето може да ја реди. Доколку се забележи интерес и желба детето може да направи сложувалки на поинаков начин (прилог бр. 1).