Назад до активноститеСледи ја линијата
„Следи ја линијата“ е игра што го охрабрува детето успешно да го совлада движењето на раката во ограничен простор, правилно да ја движи раката во различни насоки, со што се подготвува за пишување.
Живка Панова Саздова, специјален едукатор и рехабилитатор, ОУРЦ „Маца Ѓ. Овчарова“, Велес
Прилог
Прилог
Прилог
Два дебели картони со димензии 60х40 см, селотејп, темперни бои, четки, скалпел, ситни предмети, фломастери, влажни марамчиња
Индивидуална
Цели
Автоматизација на движењето на раката од лево кон десно, вежбање за движење во ограничен простор, развивање фина моторика, визуомоторна контрола и координација око – рака.
Резултати
Оспособено дете за пишување во ограничен простор (тетратка)
Игровна активност
Потребни се два дебели картони со исти димензии, при што едниот картон целосно се обложува со селотејп, а вториот се дели на 4 еднакви дела, со молив. Секој дел се бои со различна боја. На секој од деловите, на средишниот негов дел, со скалпел се сече различен вид линија со ширина од 1 см.
А1: „Стави го показалецот на почеткот на линијата. Полека, внимателно движи го до крајот на линијата. Внимавај твоето прсте да не излегува од линијата.“ А2: „Одбери со што сакаш да работиш (пр. коцки). Првата коцка стави ја на почетокот на линијата. Реди ги една до друга сè до крајот на линијата.“
Показалецот на детето се става на почетокот на линијата и полека, без да излегува од неа, се движи до крајот на линијата. Може по линиите да реди и ситни предмети или да пишува со фломастер (секогаш запазувајќи правец од лево кон десно, од едноставна кон посложена линија).
Приспособување на активноста за спроведувење (учење преку игра) со ученици со посебни образовни потреби
Оваа игра се користи за ученици со попреченост без никакви приспособувања, според способностите, можностите и вештините на учениците, без разлика на нивната календарска возраст.
Поврзани активности
Активност што го поттикнува развојот на фина моторика, координација око – рака, ја стимулира визуелната перцепција, воедно му овозможува на детето да навлезе во областа на ликовно изразување.
Вежба за сетилата за допир и вид преку погодување на скриени предмети кои се наоѓаат во вашиот дом. Загарантирана забава за семејството и можност за развивање на нови перцептивни вештини.
Развивањето на фината моторика е важно за целокупниот развој на децата. Фината моторика се однесува на малите движења на раката, прстите на рацете и нозете, јазикот и ситните мускули на лицето.