Назад до активноститеКуќичката на придавките
Куќичката на придавките е интересна и едукативна игра, преку која на забавен и интересен начин, со натпреварувачки дух, ќе се систематизираат знаењата за придавките.
Мануела Димова
Прилог
Прилог
Прилог
Прилог
• креда • лист • молив • шаблон (прилози 2, 3, 4)
Индивидуална
Цели
- Да ги усвојува придавките како зборови што стојат до именките.
- Да ги објаснува придавките.
- Да составува реченици.
Резултати
- употребува придавки
- составува реченици
Игровна активност
За реализирање на играта, потребни се шаблони (отпечатени или нацртани од наставникот). На шаблонот се претставени предмети (именки). Секој ученик треба да напише по неколку придавки за дадените именки и да состави реченица со дадените именки и измислените придавки. (прилози 2, 3 и 4)
Правила на играта: За една различна придавка се добиваат 2 поена, за напишана реченица со именка и придавка се добиваат 3 поени. Учениците може да пишуваат повеќе придавки и реченици. Играта може да се реализира и на второ ниво, со составување различни видови реченици. (Прилог 1)
Еден ученик разделува од шаблоните. Наставникот го означува почетокот на играта. Секој ученик според именките на шаблонот пишува придавки и составува реченица. На пр. именка - цвет, придавка - црвен, реченица - Ана има црвен цвет. (Прилог 1) Прашална реченица -Кој има црвен цвет? - второ ниво.
Приспособување на активноста за спроведувење (учење преку игра) со ученици со посебни образовни потреби
Доколку во одделението има ученик/ученичка со посебни образовни потреби, во зависност од видот на потребата, наставникот ја приспособува играта за ученикот. На пример, шаблонот да биде исполнет со слики или ученикот/ученичката да има задача да ги запишува поените или да учествува во спроведување на правилата на игра. Има можност да црта наместо да пишува, сѐ во зависност од видот на попреченоста. Играта е приспособлива за децата со посебни образовни потреби.
Поврзани активности
Оваа активност кај учениците буди радост, забава и смеа, но значително влијае и за искажувањето на емоциите (радост, тага, лутина...).
Од античко време древните луѓе користеле цртежи на камен. Со оваа активност учениците ќе се мотивираат да ја изразат својата креативност со цртање на нестандардни материјали.
Во оваа активност, учениците во групи со влечење добиваат различни задачи. Групите создаваат различни дела во кои ќе биде претставено есенското шаренило. Презентираат и го украсуваат есенското катче.