Назад до активноститеНовогодишни еко-пораки
Наставникот подготвува различни пораки, кои се ставаат како лампиони и украси на елката, на еден интересен начин преку игра – сложувалка на новогодишни еко-пораки.
Жаклина Ристовска, одделенски наставник во ООУ „Браќа Миладиновци“ Аеродром, Скопје
Прилог
● А4 бел лист – работен лист со еко-пораки и други форми ● Лепило ● Ножици ● А4 син, бел или во друга боја хамер ● А4 бели листови ● Линијар шаблон ● Фломастери ● Моливи во боја
Групна
Цели
Развивање свест за чување и грижа на планетата Земја и здрав живот.
Резултати
- Разбира и толкува еко-пораки за зачувување на нашата планета од загадување и други последици од искористување на природните ресурси.
- Создава елка со новогодишни еко-пораки, чиста и здрава планета Земја.
Игровна активност
Наставникот подготвува, печати и дели работен лист со новогодишни еко-пораки и други форми на секоја група ученици (3-4 ученици).
Наставникот бара од учениците да ги исечат формите од работниот лист, да ги состават еко-пораките во една реченица (речениците се со иста боја). Потоа на хамер да ги залепат и да формираат новогодишна елка и околу неа да ги вметнат и другите форми.
Учениците ги сечат формите од работниот лист и се обидуваат да ги комбинираат еко-пораките, креираат елка од новогодишните еко-пораки, внесувајќи своја креативност. Можат да напишат и свои еко-пораки и да нацртаат други новогодишни белези.
Приспособување на активноста за спроведувење (учење преку игра) со ученици со посебни образовни потреби
Во зависност од попреченоста, наставникот/асистентот им помага на учениците со попреченост при сечење и лепење и поттикнува вклучување во играта – сложувалка.
Поврзани активности
Ги знаеме броевите, изучивме децимални броеви со една децимала, дропки –десетинки и сега можеме да се построиме! Секој вид број да се најде на своето место на бројната права.
Играта има за цел да ги научи децата да ги кажуваат гласовите од македонската азбука редоследно: користат соодветна ритмичка игра.
Учениците, во мали групи, цртaат првин на хартија различни линии (хоризонтални, вертикални, брановидни, прави, криви, цик-цак и др.), а потоа, во рамки на групата, се движат во просторот според нацрт.