Назад до активноститеРециклирај, редуцирај, употреби пак
Мотивирање на учениците и на секое семејство да биде општествено одговорно да го селектира својот отпад (посебна селекција на пластика, хартија, стакло и метал). Од мала возраст да креираат навики.
Билјана Лазареска, проф. по одделенска настава, ООУ„Вера Јоциќ“, Гази Баба, Скопје
Прилог
● Постери ● Прибор ● Картички
Групна
Цели
- Да знае што е поимот употреби пак - употреби нешто повторно
- Да знае дека со одредена постапка може да се добие нешто повторно применливо
- Преку практични примери да се запознаеме како може да го намалиме отпадот, но и потрошувачката на електрична енергија, гориво, вода.
Резултати
- Знае дека рециклирањето е процес на собирање и сортирање, процесирање и повторна употреба, купување и примена
- Знае кои видови материјали може да се рециклираат: пластика, амбалажа за млеко, сокови и вода, стакло, амбалажно, прозорско, ТВ-екрани и др. конзерви, лименки и разни метали, хартија, весници, картон, мешана хартија, кертриџи за печатачи, батерии, акумулатори.
Осознава како може да го намалиме отпадот, но и потрошувачката на електрична енергија, гориво, вода.
Игровна активност
Наставникот ги насочува учениците и се води разговор дека луѓето ги користат природните ресурси во секојдневните активности: јадење, пиење, облекување, користење електронски и електрични уреди, затоплување, осветлување, возење автомобили. Дали смееме да продолжиме со сегашните потрошувачки навики?
Учениците се делат во групи. Секоја група избира еден постер, се договара и го презентира она што го гледа на постерот.
На групите им се делат картички, на секоја картичка учениците се договараат кој дел ќе го обојат, односно материјалот што е даден на сликата дали се рециклира, редуцира и употребува повторно. На крајот се проверува дали се точно обоени поимите на дадениот предмет.
Приспособување на активноста за спроведувење (учење преку игра) со ученици со посебни образовни потреби
Се создава атмосфера на прифаќање во која сите деца сакаат да помогнат. Бидејќи наставните помагала се визуелни, учениците ја играат играта или индивидуално или со другарче.
Поврзани активности
Учениците со кратка музичка фраза се подредуваат како воз во растечка низа од броеви до 20. По пристигнувањето на перонот, учениците го пронаоѓаат вагонот што одговара на нивниот број.
Преку играта „Бинго“, учениците ги применуваат знаењата за собирање и одземање трицифрени броеви.
Искуството низ кое поминува малото дете кога го прави изборот и донесува одлука е основа за носење поголеми одлуки кога ќе порасне. Ќе ја развие компетенцијата за независно носење одлуки.