На активноста ѝ претходи играта „Како се чувствувам денеска?“ која се игра со помош на „Семафор на расположение“ (хамер со 4 бои / 4 полиња на различни емоции). Потоа на децата им се покажуваат „Волшебните очила“ (пластични рамки за очила во 4 бои) и се даваат инструкции за играта.

Децата се стимулираат слободно да ги изразат различните чувства кога ќе ги стават очилата со соодветна боја. Црвени: лутина, бес; Жолти: возбуда, среќа; Сини: страв, изненаденост; Зелени: смиреност, опуштеност, релаксираност.

Воспитувачот става 1-2 очила и одглумува соодветна емоцијa според бојата на емоција од Семафорот на расположение. Гледаат низ: тажните, среќните,бесните очила и сл. Децата емоцијата можат да ја искажат со збор,движење,пеење.Потоа може да се организира разговор меѓу 2-3 носители на „Волшебни очила“.