Назад до активноститеПлесни на три
Целта на активноста е учениците да ги извежбаат содржателите на броевите на игровен начин. Да се поттикне концентрацијата, меморијата, логичкото размислување и да се поттикнат на почитување правила.
Марина Станиславова; Ксенија Николова; Гордана Наумовска Трајкоска
Прилог
Не се потребни дидактички материјали. Доволно е училница како место за активноста, со доволно широк простор, за да можат сите ученици да формираат затворен круг.
Заедничка
Цели
- Учениците да ги научат содржателите на броевите од 1 до 10;
- Учениците да се поттикнуваат и да се мотивираат преку: активно слушање, концентрација, внимание, меморирање и почитување на правилата на игра.
Резултати
- Учениците ги знаат содржателите на броевите од 1 до 10;
- Учениците активно слушаат, имаат добра концентрација, внимаваат, меморираат и почитуваат правила на игра.
Игровна активност
Училница, празен поголем простор за да се формира затворен круг од учениците.
Се избира ученик што ќе треба прв да започне со броење од 1. Кога ќе стигне следен ученик до број што е содржател на бројот 3, наместо да го изговори, треба да плесне со рацете. Правилото во играта е ако ученикот не плесне, туку го изговори бројот или обратно, излегува од играта.
Учениците се наредени во затворен круг. Еден од учениците се избира со бројалка. Тој започнува со броење од 1 во насока на стрелките од часовникот, а следниот кога ќе стигне до број што е содржател на бројот 3, наместо да го изговори, треба да плесне со рацете. Може да се додаваат и други броеви.
Приспособување на активноста за спроведувење (учење преку игра) со ученици со посебни образовни потреби
Оваа активност може да се приспособи и за ученици со ПОП, со давање поддршка од наставникот или образовниот асистент. Ученикот со ПОП застанува во кругот, но при изговарање на бројот или плеснување со рацете, добива поддршка.
Поврзани активности
Учениците се поделени во групи. Со помош на коцка се движат низ полињата и ги кажуваат речениците во соодветното сегашно време. До нив има дополнителни картички кои им требаат за одредено поле.
Со симболи за емоции од картички, невербално претставување и разговор, учениците ги препознаваат и даваат примери кога се чувствуваат така и што треба да направат за да се чувствуваат подобро.
Со играта се мотивира ученикот да препознава разни семиња, да ги именува и да ги опишува. Определува за што се употребуваат и кога се садат во градината.