Назад до активноститеРазнобојна игуана
Играта поттикнува развој на внимание и концентрација. Исто така, преку оваа игра децата можат да ги учат боите и да ги развиваат своите моторички и логички способности.
Специјални едукатори и рехабилитатори: Кристина Јанковски и Дијана Попанов – ОУРЦ „Маца Ѓ. Овчарова“ – Велес
Прилог
Картон А4 формат, хартија, печатач, лепило за хартија, темперни бои (црвена, сина, зелена, жолта, бела, црна, виолетова, портокалова, кафена, сива), четки за боење, 12 капачиња, колаж во боја (црвена, сина, зелена, жолта, бела, црна, виолетова, портокалова, кафена, сива), ножици, скалпел.
Индивидуална
Цели
Развивање координација око – рака.
Поттикнување на логичко размислување.
Развивање моторички способности.
Препознавање бои.
Резултати
Препознавање и поврзување бои.
Подобрени моторички способности.
Игровна активност
На картон А4 формат се лепи шаблонот од Прилог 1. Цртежот се дели на 12 дела (шаблон од игуана) и секој дел се обојува во различна боја и се остава да се исуши. Потоа се зема капаче и на секој дел од игуаната се исцртуваат кругови, се сечат со скалпел (се прават дупки со отвор колку капачињата).
Се објаснува постапката за правилно поставување на капачињата. Секое капаче во боја треба да соодветствува со делот од телото на игуаната и се поставува на соодветниот отвор.
Набројување на бои, давање инструкции за начинот на реализирање на активноста. Секое капаче треба да се постави на соодветната боја и притоа да се именува (на пр. црвеното капаче на црвениот дел од телото на игуаната). Од детето се бара правилно и точно да ги смести капачињата на телото од игуаната.
Приспособување на активноста за спроведувење (учење преку игра) со ученици со посебни образовни потреби
Оваа активност може да се спроведува и со ученици со попреченост и може да се приспособи во зависност од можностите и способностите на секое дете поединечно. Може да се користат картон и капачиња со поголема димензија како и да се намали бројот на бои на телото на игуаната.
Поврзани активности
Со играта се запознаваат, ги согледуваат и именуваат природните групи (стадо - овци, коњи; рој - пчели,оси; јато - птици, гуски), со цел да ги користат во секојдневната комуникација соодветно.
Децата на интересен начин се запознаваат со домашните животни и нивните карактеристики. Преку оваа игра децата ги развиваат фината моторика и прецизноста како фармери што се грижат за животните.
Преку активноста детето учи за животните и за нивните животни средини на интерактивен начин.