Назад до активноститеСтави ме во чинијата каде што припаѓам
Со оваа активност децата одгатнуваат гатанки, а воедно вршат и класифицирање на овошје и зеленчук. Применлива е за дечиња од голема група од градинка.
Весна Јованова, Душица Јакимовска, Николина Милевска
Прилог
Апликации од овошје и зеленчук (Прилог 2), боички, збирка гатанки за секое овошје или зеленчук (Прилог 1), чинија со ознака (слика од овошје), чинија со ознака (слика од зеленчук).
Заедничка, Индивидуална
Цели
- Децата да се поттикнуваат на активно слушање и размислување.
- Да ги класифицираат овошните и зеленчуковите плодови.
- Да ја вежбаат моториката на рацете и да стекнат вештина за прецизно боење.
Резултати
- Децата можат да одгатнуваат гатанки, успешно класифицираат плодови и прецизно бојат.
Игровна активност
Подготовка на материјалите за работа. Воспитувачот претходно им дава лист со слика од еден зеленчук или овошје што треба да ја обојат (Прилог 1) и мала збирка со гатанки (Прилог 2).
Децата индивидуално бојат апликација на овошје или на зеленчук, која по случаен избор ќе ја извлечат. Потоа активно го следат читањето на гатанките од страна на воспитувачот.
Седнуваат во круг. Воспитувачот чита гатанка. Детето што ја има апликацијата со одговорот на гатанката треба да го подигне овошјето или зеленчукот, а потоа да го класифицира во чинија која е обележана со слика со ознака за овошје или за зеленчук. Постапката се повторува за сите деца од групата.
Приспособување на активноста за спроведувење (учење преку игра) со ученици со посебни образовни потреби
Играта е приспособлива за децата со посебни образовни потреби. Во зависност од попреченоста, детето може усно да ги именува плодовите, да повторува по своите другарчиња, а доколку е во можност и да бои.
Поврзани активности
Оваа активност има толку забавни елементи во неа! Содржи сечење, бојадисување, лепење... и децата можат да го носат своето ремек-дело кога ќе ја завршат изработката.
Преку оваа активност децата ќе научат што е штетно, а што здраво за нивните запчиња.
Децата ќе се запознаат со временските промени и ќе изработат метеоролошки календар кој служи за секојдневно обележување на временската прогноза.