Назад до активноститеМоето сонце
Преку активноста кај децата се развива вештината за ракување со ножици, се поттикнува истрајност и трпеливост.
Сања Алексоска, Мира Ѓорѓиевска, Атинула Ничова, Валентина Зиндл, Симона Палчевска
Прилог
Прилог
Прилог
Прилог
Прилог
Енциклопедија за сонцето, самолеплива хартија, ножици, листови блок, лепило, колаж хартија.
Групна
Цели
- Да се развие способноста за правилно користење на ликовниот материјал.
- Да се поддржува детето во истрајноста во процесите на учењето и откривањето.
- Да се поттикне да држи ножици со едната рака и да сече хартија по зададена линија.
Резултати
- Децата стекнуваат работни навики за правилно користење ликовен материјал.
- Децата умеат да сечат со ножици, притоа ја развиваат вештината на дланките и на прстите за конкретната цел.
Игровна активност
Читање енциклопедија за сонцето и разговор по слики. По разговорот, децата се запознаваат со материјалите за работа и им се даваат инструкции за активноста.
Активноста е на две тежински нивоа во согласност со возраста на децата од 4-5 и од 5-6. Децата од 4-5 години добиваат задача да ги исечат и залепат зраците на сонцето, а децата од 5-6 на претходно нацртана контура на сонце сечат ленти и мозаично лепат. Се пристапува кон изработка на мозаикот сонце.
На претходно подготвен лист од блок залепен е жолт круг од самолеплива хартија. Децата од 4-5 сечат линии (зраци) и ги лепат на кругот што го претставува сонцето. Децата од 5-6 години сечат ленти од колаж хартија со ножици, употребуваат стик лепило и лепат ситни коцкички (мозаичко лепење).
Приспособување на активноста за спроведувење (учење преку игра) со ученици со посебни образовни потреби
Во зависност од тоа каква поддршка му треба на детето со тешкотија во учењето, може да помага воспитувачот при изработката на сонцето, да ја разгледуваат енциклопедијата на тема сонце или да бојат сонце во контура.
Поврзани активности
Целите се детето да се оспособи за да воочува и манифестира некои емоции во секојдневната комуникација; детето да ја усоврши координацијата за држење на ножичките во едната рака и сечењето на хартијата. Толерантноста е една од клучните особини кои треба да ги поседува едно дете па оваа активност ќе им помогне на децата да ја развијат и подобрат толеранцијата.
Малите прецизни движења се изведуваат преку движења на мускулите и зглобовите на раката, на дланките и на прстите. Оваа активност ги поттикнува таквите движења со помош на пинцета.
За изведување на оваа активност, потребен е отпечатен лист (Прилог 1 или Прилог 2), на кој има дадено различни видови испрекинати линии. На самите линии треба да се редат монисти, според боја.