Воспитувачот обезбедува хамер на кој има нацртано контура на тело. Исто така се подготвуваат и различни ликови со нацртани различни чувства (насмеано лице, налутено лице, тажно лице).

На хамерот во рамките на контурата треба да се претстават различните чувства на секое дете, со симбол, цртеж или боја, во зависност од тоа како се чувствуваат децата. Потоа, им се даваат нацртани ликови поделени на 2 дела и децата треба да прават комбинации од различни чувства.

Со децата се поведува разговор за тоа како се чувствуваат и кои видови чувства постојат. Потоа секое дете треба да размисли за тоа како се чувствува во моментот, со кој симбол би го обележало тоа, на кое „место се наоѓа“ чувството во телото и со која боја може да се обои. Следува сложувалка.