Наставникот ги црта со црвена креда контурите на нашата држава и со сина креда реката Вардар и трите езера: Охридско, Преспанско и Дојранско Езеро, за да им послужат за полесно ориентирање на учениците.

Наставникот ги објаснува правилата на играта - изведување различни видови движења до посочено место. Учениците се наредени во круг околу нацртаните контури и чекаат на знак на наставникот, на пр. Со скокање на една нога оди во Битола; Со трчање до градот Неготино...

Посочените ученици треба со одредениот начин да одат на местото каде што се наоѓа посочениот град. За точно извршена задача добиваат поен, а доколку згрешиле, наставникот повикува друго дете за да му помогне и поенот го добива оној кој ќе застане на точното место на картата.