Назад до активноститеЅвездена тегличка
Интересна и забавна активност преку која се развиваат визуелната перцепција, координацијата око –рака, се зголемуваат вниманието и концентрацијата.
Специјални едукатори и рехабилитатори : Кристина Јанковски и Дијана Попанов, ОУРЦ „Маца Ѓ. Овчарова“ – Велес
- Картон А4-формат - Маркер/фломастер црн - Картон (за цртање и сечење ѕвездички) - Ножици
Индивидуална
Цели
- Развивање моторички вештини.
- Развивање визуелна перцепција.
- Координација око – рака.
- Зголемување на вниманието и концентрацијата
Резултати
- Подобрување на моториката.
- Подобрување на визуелната перцепција.
- Успешно и правилно завршена активност.
Игровна активност
На картон (А4-формат) исцртајте тегла, а во внатрешниот дел исцртајте ѕвездички во различна боја и различна текстура (на пр., користете ги линиите / , - -, \, /\/\/\, ~~, 0o0o и сл.). Исти такви ѕвездички нацртајте на картон и исечете ги така што секоја од ѕвездичките ќе има свој пар во теглата.
Објаснете дека целта на оваа активност е да се наполни ѕвездената тегличка, односно, секоја од ѕвездичките има свое место во теглата и треба да се пронајде тоа место и истата да се постави таму.
Ѕвездичките се поставуваат на маса, превртени со шарите спрема долу, а до нив ѕвездената тегличка. Потоа детето влече една ѕвездичка, ја гледа шарата и на исцртаната тегла ја пронаоѓа истата и ја поставува врз неа, односно двете исти ѕвездички се спаруваат.
Приспособување на активноста за спроведувење (учење преку игра) со ученици со посебни образовни потреби
За учениците со попреченост, оваа активност може да се приспособи, односно текстурата на ѕвездичките може да биде со едноставни линии или да бидат само во боја (спарување по боја).
Поврзани активности
Децата имаат можност да комуницираат , се концентрираат, внимаваат и ликовно да се изразуваат преку игра. Се работи во парови, завртени со грб еден кон друг, едното дете дава насоки, а другото црта.
Целта на активноста е да се охрабри детето во обидите да ги усоврши природните движења на фаќање и фрлање и да ја развие способноста за воочување и именување на предметите според боја. Од оваа активност ќе се развијат карактеристики како што се: истрајност; мотивираност; љубопитност.
Децата ќе се запознаат со временските промени и ќе изработат метеоролошки календар кој служи за секојдневно обележување на временската прогноза.