Назад до активноститеТркало на формите
Низ игра и забава децата ги одбираат соодветните форми во иста боја.
Елизабета Накова, Јованка Ефтимова
Прилог
Прилог
ПрилогБел хамер, листови во боја, линијар со форми, ножици, лепило, штипки, картонска кутија на која се лепи големиот круг.
Индивидуална
Цели
- Децата да се стекнат со знаења за боите и за формите.
- Децата да се навикнуваат на практична примена на веќе стекнатото знаење.
Резултати
- Детето препознава и именува одредени бои и форми.
Игровна активност
Се сече голем круг од хамер, кој се дели на 16 дела. Од четири различни бои се сечат четири различни геометриски форми во два примерока. Во секој дел се лепи по една геометриска форма (по избор). На 16 штипки се лепат двојните геометриски форми.
На големиот круг децата треба да го најдат местото на штипката така што ќе одговара по боја и по форма.
Откако заеднички се разгледува кругот на формите и се разговара за она што има на него, децата едно по едно се доближуваат до кругот и добиваат штипка. Кажуваат каква е бојата и каква е формата, а потоа ја ставаат штипката на соодветното место.
Приспособување на активноста за спроведувење (учење преку игра) со ученици со посебни образовни потреби
Вторите исечени геометриски форми не се лепат на штипка, остануваат само како слики. Не е задолжително децата да ги кажуваат боите и формите, туку само им го наоѓаат точното место.
Поврзани активности
Децата имаат можност да комуницираат , се концентрираат, внимаваат и ликовно да се изразуваат преку игра. Се работи во парови, завртени со грб еден кон друг, едното дете дава насоки, а другото црта.
Оваа активност ни служи за развивање на фината моторика, односно развивање на способноста за изведување движења со рацете во координација меѓу прстите и очите.