Назад до активноститеДвижи се
Играта поттикнува зајакнување на трпеливоста и истрајноста како карактерни вредности и стекнување знаења преку игра за начините на движења.
Биљана Стојановска, проф. по одделенска настава, ООУ „Св. Кирил и Методиј“, Центар - Скопје
Прилог
● Основа за игра „Движи се“ ● Карти за игра „Движи се“ ● Постер за движење ● Коцка ● Човечиња ● Ножици ● Онлајн игра https://learningapps.org/view23685558
Групна
Цели
- Да се зајакнат трпеливоста и истрајноста како карактерни вредности.
- Да разликуваат начини на движења кај животните и да ги споредуваат со движењето на човекот.
- Да прават разлика меѓу брзо, побрзо, најбрзо и бавно, побавно, најбавно движење.
Резултати
- Истрајни се во обидите да ја завршат играта успешно
- Умеат да разликуваат начини на движења кај животните и да ги споредуваат со движењето на човекот.
- Умеат да прават разлика меѓу брзо, побрзо, најбрзо и бавно, побавно, најбавно движење.
Игровна активност
Наставникот обезбедува игра „Движи се“ за секоја група и постер како помош. Наставникот покажува инструкции како се реализира играта, ги посочува правилата и дава пример.
Учениците се поделени во групи. Секој ученик по ред ја врти коцката и го поместува човечето. На полињата +3 оди 3 чекори напред, на -3 оди назад, а на поле „Влечи карта“ извлекува карта и ја извршува активноста.
Ја играат играта „Движи се“, а победници се оние ученици во својата група кои први стигнале до крајот. Потоа за утврдување на знаењата играат онлајн игра за движење. https://learningapps.org/view23685558
Приспособување на активноста за спроведувење (учење преку игра) со ученици со посебни образовни потреби
Играта овозможува вклучување на децата со попреченост бидејќи има фотографии според кои детето може да се движи по зададените насоки. Ако има потреба, детето може да се движи во пар со другарче.
Поврзани активности
Со симболи за емоции од картички, невербално претставување и разговор, учениците ги препознаваат и даваат примери кога се чувствуваат така и што треба да направат за да се чувствуваат подобро.
Учениците во групи преку елементарни игри треба да накитат ученик како новогодишна елка со поставување лампиони на неговите прсти, украсна лента на вратот и чун на главата (замена за врв).
Учениците во групи составуваат јазична скала, пишуваат глаголи на најдолната скала, на погорната скала составуваат реченици и на најгорната скала се составува текст. На крајот групите презентираат.