Топче во кутија

Подготовка на капак од кутија за чевли, мало топче, скалпел/ножици и боици.

На детето му се објаснува дека на средина од капакот треба да се направи отвор (дупка) широка колку топчето кое ќе се избере за играта, а потоа се бои внатрешноста на капакот од кутијата. Топчето се става во капакот и треба да влезе во дупчето при движење на капакот со рацете.

Детето го декорира внатрешниот дел на капакот од кутијата и заедно со возрасниот ја прават дупката. Потоа детето има задача да го протне топчето низ дупката, држејќи го капакот со двете раце кои ги мрда (го крева, го спушта, го врти капакот со раце) во разни позиции за да успее да го протне топчето. За да биде поинтересна играта може да се игра на време, односно сите членови да ја играат на време, за да се утврди кој ќе биде најбрз. Идеја плус: На капакот да се направат повеќе дупки со различни големини на отвори и да се користат повеќе топчиња (според отворите).