Назад до активноститеКој е мојот дом?
Преку оваа активност кај учениците се развива интересот и желбата за истражување и набљудување. Учениците на интересен начин увидуваат и откриваат каде живеат животните.
Маја Митева Петроска, Тодорка Нане, Теодора Ѓорѓиеска
Прилог
Слики во боја со различни животни, слики со различни живеалишта, празни кутии од кибрит, лепило.
Работа во парови
Цели
- Идентификува сличности и разлики меѓу животни средини (живеалишта) и знае за начините преку кои тие влијаат врз животните што живеат во нив.
Резултати
- Може да идентификува сличности и разлики меѓу животни средини (живеалишта) и каде живее одредено животно.
Игровна активност
Се подготвуваат мали слики со различни видови животни и нивните живеалишта (Прилог 1). Секоја слика се сече и потоа се лепат на кутичиња од кибрит (Прилог 2). Сликите со домовите се лепат на надворешниот дел од кутијата, а сликите со животни на внатрешниот дел од кутијата.
Оваа игровна активност се изведува во парови. Пред секој пар има кутии со животни и живеалишта (Прилог 2). Парот треба да ги спои животните со нивните домови.
Учениците повторуваат за животната средина и какви сè живеалишта се среќаваат, за тоа дали луѓето имаат свои домови и дали тие се разликуваат. Се разговара каде живее останатиот жив свет (на пример, опишете едно животно: Дали тоа има свој дом? Зошто му е потребен дом?) (Видете Прилог 3)
Поврзани активности
Забавна игра за раздвижување, која ги стимулира креативноста и снаодливоста на учениците. Играта е применлива во повеќе предмети - општество, македонски јазик, ликовно образование, ФЗО.
Играта е креативна, логичка и е спој меѓу уметноста и математиката. Се прават топчиња во две бои и се нижат на конец по шема. Кога кругот се затвора, бројот на елементи е ист, а редоследот е различен.
Со нижење ѓердани од макарони, учениците ќе ја сфатат суштината на парните и на непарните броеви. Ќе разберат зошто еден број е парен, а друг непарен.