Назад до активноститеИнспиративен постер
Игра преку која се будат креативноста и фантазијата на учениците. Темата на играта е со променлив карактер во зависност од потребите на наставникот и наоѓа примена во повеќе предмети.
Костова Цанка, Зорица Милкова, Милица Кабранова
Прилог
Хамер, дрвени бои, восочни бои, фломастери, водени бои, ЦД плеер или лаптоп.
Групна
Цели
• да перципира простор и релации во просторот;
• да развива поголема визуелна способност;
• да ги искажува самостојно и слободно своите сознанија, доживувања и впечатоци, мисли и фантазија со помош на ликовниот јазик и творештво;
• да твори самостојно, тандемски, групно и колективно.
Резултати
• перципира простор и релации во просторот;
• развива поголема визуелна способност;
• ги искажува самостојно и слободно своите сознанија, доживувања и впечатоци, мисли и фантазија со помош на ликовниот јазик и творештво;
• твори самостојно, тандемски, групно и колективно.
Игровна активност
Наставникот го организира просторот со поставување клупи околу кои учениците ќе можат слободно да се движат. На клупите ги поставува потребните материјали и задава тема за која ќе изработува инспиративен постер. Избира динамична музика.
За изведување на оваа игра потребно е наставникот да даде конкретни насоки според избраната тема. На учениците им се појаснуваат начинот на цртање, начинот на движење и комуникацијата во групата (Прилог 1).
Учениците се делат во групи. На секоја клупа има поставено по еден хамер и боички (дрвени, фломастери, водени). Играта започнува кога ќе се пушти музиката. Секоја група црта на хамерот додека трае музиката, а по нејзиниот прекин ротира десно кон другата група каде што продолжува да црта (Прилог 1).
Поврзани активности
Куќичката на придавките е интересна и едукативна игра, преку која на забавен и интересен начин, со натпреварувачки дух, ќе се систематизираат знаењата за придавките.
Оваа игра е многу корисна за децата. Со помош на неколку картонски делови помага да се стимулира логичкото размислување, да се зајакне вниманието, концентрацијата, визуелната перцепција, стрпливоста.
Со сложувалка се добива слика за приказната. Усно се раскажува. Се добива нов лист со истата приказна во 9 слики, се пишуваат реченици за секоја слика и се прави минисликовница.