Назад до активноститеГрб со грб
Децата имаат можност да комуницираат , се концентрираат, внимаваат и ликовно да се изразуваат преку игра. Се работи во парови, завртени со грб еден кон друг, едното дете дава насоки, а другото црта.
Викторија Стојановска, ЈУДГ „25 Мај“, Гази Баба, дипломиран професор по предучилишно воспитание, дипломиран психолог
Прилог
Прилог
Прилог
Прилог
Прилог
Слики со одредени форми, блок и молив, боички
Работа во парови
Цели
Да се поттикне развојот на комуникациски вештини, способноста за активно внимателно слушање со цел да се разбере. Поттикнување интерес за ликовно творење.
Резултати
- Да умее да следи вербални инструкции
- Да умее ликовно да го претстави тоа што го слуша.
Игровна активност
Треба да се подготват слики со различни форми, толку колку што има парови.
Децата се делат во парови по случаен избор. Седат на столчиња свртени грб со грб. На едното дете од парот му се дава слика со одредена форма (круг, триаголник, сонце, пајакова мрежа), а на другото лист хартија и молив или боичка.
Детето што ја има сликата пред себе дава вербални инструкции што треба да нацрта другото: Нацртај нешто што има форма на круг, силно нè грее и е горе на небото (сонце) или нацртај хоризонтални линии и спој ги со две вертикални - квадрат. Другото дете внимателно слуша и црта. На крајот се дискутира.
Поврзани активности
Децата да научат да ги препознаваат основните математички форми.
Преку оваа интересна игра, децата изработуваат воз, преку кој се запознаваат со деновите во седмицата.
Интересна игра преку која децата имаат можност да стекнат знаења за настанувањето на денот и ноќта. Изработувајќи ѕвездено небо, тие ги развиваат својата фантазија и креативност.