Назад до активноститеКошарка со бројки
Оваа едукативна игра ќе им овозможи на децата на интересен начин да се запознаат со кошарката како спорт и да ги утврдуваат знаењата за броевите.
Прилог
ПрилогХамер; пластични чаши; картички со броеви од 1 до 5, топче (Прилог 2).
Заедничка, Индивидуална
Цели
Да се запознаат со одредени спортови и правила на игра.
Да се поттикнуваат способности за користење на математиката во опкружувањето.
Да се развива способност детето да ја користи доминантната рака.
Резултати
Детето знае одредени спортови и правила на игра.
Детето брои до 5.
Детето ја користи доминантната рака.
Игровна активност
На хамер се лепат пет пластични чаши и над нив се пишуваат боревите од 1 до 5. Хамерот се поставува на ѕид, а на одредено растојание се обележува позицијата на играчите. Се изработуваат картички со броеви од 1 до 5.
На децата им се објаснува дека ќе играат кошарка и дека треба со помош на топче да ја погодат целта, односно топчето да се внесе во соодветната чаша според бројот што ќе го извлече, и именува друго дете.
Со децата се разговара за кошарката како спорт. Им се даваат инструкции и се објаснуваат правилата за играта со бројки. Едно дете влече картичка со број и ја покажува, а другото дете што стои на обележаното поле при погодување на целта треба да го именува бројот над чашата.
Поврзани активности
Преку играта, која се состои од јадење претходно подготвен оброк, децата се потикнуваат да јадат свесно, внимателно, полека, вклучувајќи ги активно сетилата за вкус, мирис и вид.
