Назад до активноститеКомплимент
Секој ученик мора да смисли вистинит комплимент за секој друг ученик во одделението да го напише на самолепливо ливче и да му го залепи на грб.
Билјана Лазареска, проф. по одделенска настава, ООУ„Вера Јоциќ“ Гази Баба, Скопје, Биљана Стојановска проф. по одделенска настава, Јасминка Трајковиќ проф. по македонски јазик
самолепливи ливчиња во разни бои, пенкала во разни бои.
Групна
Цели
‒ Да развиваат почит учениците едни спрема други.
‒ Да се овозможи брз фидбек за напредокот што учениците го постигнуваат, кој делува како поттик за понатамошната работа.
Резултати
‒ Развивање почит на учениците едни спрема други.
‒ Брзиот фидбек да делува како поттик за понатамошната работа.
Игровна активност
Секој ученик мора да смисли вистинит комплимет за секој друг ученик во одделението, да го напише на самолепливо ливче и да му го залепи на грб.Вежбата е за убав завршеток на работната недела и би било корисно да се прави секоја недела за да се има континуитет и да се види како секој ученик напредува
На пример, на некој ученик што се перципирал само добар по физичко може да се случи неколку недели по ред да му даваат комплимент за тоа колку напреднал по општество и тоа да го смени начинот на кој тој се перципира.
Овој процес ќе го намали влијанието на (себе)оценувањето добиено од споредба со другите, а ќе ги зголеми влијанието и капацитетот на ученикот да се самооцени во споредба со сопствените претходни успеси, наместо со успесите на другите.
Поврзани активности
Во оваа активност детето ќе научи за традицијата и за васцањето јајца. Децата ќе видат како нашите мајки ја негуваат традицијата.
Играта поттикнува критичко и логичко размислување кај децата, а истовремено ја зајакнува тимската работа како карактерна вредност.
Целта на активноста е учениците да се оспособат јасно и гласно да се претстават, со тоа се јакне социјалниот и емоционалниот развој кај учениците од најрана возраст.