Назад до активноститеЧудесен огномет
Лесно и интересно! На темна подлога на обележано место се лепи ориз ‒ претходно обоен во различни бои ‒ и се добива прекрасен огномет.
Николина Димоска ‒ дипломиран психолог и едукатор во Детскиот центар „ТИК-ТАК“ Прилеп
Прилог
Прилог
Прилог
Ориз, прехранбени бои, чинии, течно лепило (охо или уфо), светки, светлива прашина во боја, картон во темносина или црна боја.
Групна, Индивидуална
Цели
* Поттикнување на развојот на фината моторика.
* Поттикнување креативно творење.
* Информирање и едукација за празнувањето и големите државни празници.
Резултати
* Спретност и подобрена координација на движењата на дланките, прстите.
* Создавање креативна творба.
* Развивање позитивни чувства и љубов кон татковината.
Игровна активност
600-700 грама ориз се дели на помали количини и се бои со прехранбени бои растворени во пет лажици вода во ориз со жолта, црвена, зелена, сина, виолетова боја . Оризот се остава малку да се исуши. Се презентираат фотографии на огномет за да се освежат сеќавањата на децата.
Децата ги следат инструкциите на воспитувачот. На тегет хартија или црна со посветла боичка се обележуваат местата каде што ќе се прави огнометот.
На хартијата се нанесува течно лепило во нацртаната форма и се покрива со обоениот ориз. Со дланката се притиска оризот и се чека 1-2 минути. Потоа се превртува хартијата за да падне вишокот ориз. Постапката се повторува со различни бои од оризот, може да се стават и светки.
Поврзани активности
Преку едукативната активност децата се запознаваат со поимите ѕвезди и соѕвездија. Со превиткување ленти и креирање разни форми се поттикнува креативноста и развојот на фината моторика.
Веселиот математички квиз ќе им овозможи на децата да ги развијат своите карактеристики како што се креативноста, истрајноста и прецизноста. Со примена на математичките операции како што е собирање на децата од најмала возраст ќе им се развие логиката. Квизот овозможува групна и индивидуална работа.
Со оваа активност децата ќе имаат можност да ги развијат карактерните вредности како што се истрајност и фокусираност. Целта на активноста е да се развие моторичката функција на прстите и дланката за конкретна цел и да се поддржува детето во игри и активности кои бараат поголемо внимание.