Назад до активноститеПрепознај ги емоциите
Самодовербата, мотивацијата и истрајноста се карактеристики кои кај децата треба да се развиваат уште од најраната возраст. Препознај ја емоцијата дава одлична можност децата вербално да ги искажат своите емоции и да ги препознаат кај другите. Оваа активност придонесува децата да ги развиваат своите социоемоционални и комуникациски вештини
Фанија Јанакиевска; Виолета Атанасовска; Марија Ивановска; Кристина Михајлоска
ПрилогНожици, лепак; Плутена или стиропорна табла;
Групна
Цели
Целта е детето да се оспособи за вербално изразување на сопствените емоции и емоциите кај другите.
Резултати
Детето препознава различни емоции според изразот на ликот.
Игровна активност
Сечење и лепење на коцка со емотикони (прилог бр. 1-шема за коцка и прилог бр. 2 емотикони)
Преку разговор, на децата им се објаснуваат правилата на играта, односно дека е потребно да се заврти коцката и да се разговара за емоциите. Децата се мотивираат со прашања во врска со емоциите за да се одржи интересот за играта
Децата се поставени во круг и со бројалка се одредува детето што ќе ја започне играта. Коцката со емотикони е во средина на кругот и детето ја тркала коцката. Детето треба да го препознае емотиконот на кој ќе застане коцката, да ја опише емоцијата и да имитира го имитира со својот лик. Потоа го препознава и покажува емотиконот на шаблонот зкачен на табла (прилог бр. 3-шаблон со емотикони). Во текот на играта на децата им се поставуваат прашања поврзани со емоциите и нивното изразување. Играта се игра додека сите деца не ја завртат коцката. На крај сите заедно ја пеат песната ,,Кога си среќен,,
Поврзани активности
Со оваа истражувачка активност ќе се разбуди детската љубопитност за истражување на водниот свет.
Активноста поттикнува стекнување знаења за животни од другите краеви, интерес кон разни форми на визуелна креативност и развој на фина моторика.
Преку оваа интересна игра, децата изработуваат воз, преку кој се запознаваат со деновите во седмицата.