Разиграни балончиња во царството на животните

Говор кој наговестува внимание кај децата, но вообичаено со елементи на духовитост, со објаснување вербално и со помош на слики и апликации се објаснува играта. Децата ги сечат сликите од животните, ги виткаат во ролна и ги вметнуваат во празни балони. Потоа помагаат за дување и врзување на балоните, од кои неколку се без апликација.

Модератор: Воспитувач Правила: Додека трае музиката сите деца се движат низ просторијата Кога ќе пукне балон музиката запира и секое дете застанува на местото каде што се наоѓа во моментот. Играта може да има повеќе варијанти и апликациите да бидат заменети во зависност од темата која се работи (пример: овошје, зеленчук, годишни времиња).

Секое дете добива балон со кој слободно се движи низ просторот додека трае музиката. Во текот на играта, откако еден балон ќе пукне (воспитувачот го пука балонот без да го забележат децата) Музиката се запира и сите деца застануваат. Детето чиј балон е пукнат има задача да ја отвори апликацијата и да го именува, опише и да ги имитира движењата и звуците на животното од апликацијата. Ако пукнатиот балон е празен детето одбира животно по своја желба и ги исполнува барањата. Играта завршува кога сите балони ќе бидат испукани.