Назад до активноститеПогоди кој сум
Оваа активност се сведува на погодување на професии во која децата се поделени во групи и избираат свој тим лидер (водач). По неговото избирање, тимовите се натрпеваруваат во погодување на соодветнтата професија која ја чита претставникот од секој тим, а со тоа доколку при читање на првата реченица некој од тимовите ја погоди професијата, освојува најмногу поени. Играта вклучува по пет реченици за секоја професија и секоја од нив носи соодветен број на поени. Тимот кој ќе освои најмногу поени е победник. Преку оваа игра учесниците ги учат значењата на секоја од професиите и нивната важност и примена во реалниот живот. Целна група на оваа игра се децата од 6 до 8 години.
Ана Нојковска; Лидија Николиќ; Дијана Петрушевска; Илустрација: Катерина Николовска; Превод и лектура: Агим Лека
ПрилогНожици; Табла; Креда
Групна, Работа во парови
Цели
Утврдување на знаења за различни професии. Развивање на општествена свест. Поттикнување на изразно читање на реченици. Зајакнување на тимски дух.
Резултати
Ги знaе особеностите од професиите. Развиена свест за важноста на различните професии. Изразно прочитани реченици.
Игровна активност
Сечење на квадрати во боја, поставување на табла и испишување на табели за секој тим, подготовка на картички со професии.
Објаснување на правилата на игра и поделба на учесниците во групи со извлекување на квадрат во боја. Секој тим смислува оригинално име и еден претставник од тимот го запишува на таблата. Потоа тој извлекува картичка со професии која ја презентира пред тимовите. Секој член од тимот чита по една реченица кое е обележано на картичката, започнувајќи од реченица бр. 1. Секоја картичка содржи по 5 реченици преку кои се опишува професијата, односно подредени се од општи до конкретни реченици, со описи на професијата, којa треба да ја погодат. Поените се добиваат во зависност на која реченица ќе ја погодат професијата и се запишуваат на таблата, односно:; Реченица бр. 1 - 25 поени; Реченица бр. 2 - 20 поени; Реченица бр. 3 - 15 поени; Реченица бр. 4 - 10 поени; Реченица бр. 5 - 5 поени; Победник е тимот со освоени најмногу поени.
Најпрво со учениците се разговара за видовите професии и што би сакале тие да работат кога ќе пораснат. Потоа им се објаснуваат правилата на игра. Учениците ги формираат тимовите, со помош на извлекување на картички во боја и избираат претставник кој го презентира својот тим. Секој претставник од тимот избира по една картичка со професии и започнува играта со читање на реченица, а останатите тимови треба да откријат за која професија станува збор. Резултатите се запишуваат на табла, а победник е тимот со најмногу освоени поени. Откако ќе заврши играта, на децата им се дава предлог да играат пантомима или асоцијации за професиите кои не се застапени на картичките, или пак тие во иднина би сакале да ги работат.
Поврзани активности
Децата растат кога скокаат и играат. Освен во природа, тоа преку оваа игра ќе го направите и во занимална, училница и игралиште. Да го поминеме потокот.
Забавна активност со која ќе се зацврстат познавањата од основи на музичка писменост. Учениците прават парови од чорапчиња со траење на нотата и нејзиниот изглед, но и други знаења од музичко обр.
Развивајте ја љубовта кон читањето интересни книги и збогатете го речникот.