Назад до активноститеПоголемите ги ловат помалите
Оваа активност им помага на децата полесно да го разберат „Синџирот на исхрана“ во природата преку изведување на природните движења на различни животни и да научат дека „поголемите ги ловат помалите“.
Бети Ќосевска
Нема информации
Групна
Цели
- Да научат дека поголемите животни ги ловат помалите.
- Да го разберат синџирот на исхрана во природата.
- Да имитираат движења на животни.
- Да ги развиваат моторичките способности.
Резултати
- Знаат дека поголемите животни ги ловат помалите.
- Го разбираат синџирот на исхрана.
- Изведуваат природни движење на различни животни.
Игровна активност
Учениците ги делиме во 4 групи: 1. група - 10 пајачиња; 2. група - 5 жапчиња; 3. група - 3 штрка; 4. група - 1 волк и 1 лисица. Се редат по групи: напред е првата група пајачиња, втори се жапчињата, трети се штрковите, а последни се лисицата и волкот. Им се објаснуваат правилата на играта.
На даден знак први тргнуваат пајачињата движејќи се со ситни чекорчиња. По нив тргнуваат жапчињата со скокање и ги ловат пајачињата. Потоа тргнуваат штрковите со летање и ги ловат жапчињата. На крај тргнуваат лисицата и волкот со трчање и ги ловат штрковите. Секоја група тргнува на даден знак.
Секое жапче откако ќе улови пајаче, го носи на своето место и се враќа по друго. Кога ќе ги уловат сите пајачиња, жапчињата бегаат, а штрковите тргнуваат да ги ловат жапчињата на ист начин. Откако ќе ги уловат жапчињата, штрковите летаат, а тргнуваат лисицата и волкот и ги ловат штрковите.
Приспособување на активноста за спроведувење (учење преку игра) со ученици со посебни образовни потреби
Детето може да ја следи играта, со цел да го сфати синџирот на исхрана. Може да дава знак за тргнување на групите.
Поврзани активности
Преку игра подобро се помни! Оваа ќе им помогне на учениците да ги научат главните страни на светот за ориентација на карта или во просторот.
Учениците учат за здравата храна и за нејзиното значење за правилен развој. Сите учествуваат во изработката на здрав и вкусен оброк. Храната може да има и насмевка и да е полна со здравје.
Учењето математика може да биде забавно и интересно. Преку активно слушање и соодветна навремена реакција учениците учат да препознаат содржатели. Играта го поттикнува логичкото размислување.